Gruppe: Administrator
Rang: Lebende Forumslegende
Beiträge: 8321
Mitglied seit: 13.05.2008
IP-Adresse: gespeichert
|
Ginndrjn
von Hans Reimann aus dem Buch "Die Gaffeganne"
Ginndrjn
Ein uneheliches Gespräch anlässlich einer töchterreichen Fotografie.
"Das sinn awwr hibsche Ginndrjn! Awwr das sinn awwr hibsche Ginndrjn! Unn die abbarrdn Gleidjn, die se anhamm! Niedlich! Die gleen Gärrljns! Awwr da beneid ich Sie drum, um Ihre sießn Ginndrjn!"
"Da brauchn Se mich garnich drum zu beneidn. Ich hawwe nämlich gar geine Ginndrjn und grieje auch geine Ginndrjn, weil ich mich da viel zu sehre schenniehre."
"Ich dängke, Sie sinn frheirahd?"
"Alles andre. Bloß nich heirahdn! Nich geschängkd! Gehn Se nohr weck midd die Männer, die doochn doch alle nischd."
"Ach, da sinn das ooch garnich Ihre Ginndrjn, die verwärrjld agebohbldn Rodznahsn?"
"Nee, das sinn nich meine Ginndrjn."
"Unn ich dachde schon, die grummbeenijn Ludrsch währn Ihre Dejjdr - ."
"Dejjdr nu schohn garnich! Die gomm mir nich ins Haus! Awwr wissn Se, wassj hamm mechde: Seehne! Jjah, Seehne mechdj hamm. Laudr Seehne - ä ganzes Schogg - een nachn andrn!"
"Ich dängke, Sie wolln nich heirahdn?"
"Währ saachd dnn das?"
"Nu Sie sällwr!"
"Ach so, Däßwähjn? Nu, heirahdn nich grahde. Awwr Seehne mechdj doch hamm - een immr gleenr wie dn andrn - wie de Orrjlfeifn! Das währ so mei Draum"
"Heirahdn Se doch!"
"Ich unn heirahdn? Nu, so verriggd!"
"Da genn Se ooch geene Ginndrjn griejn!"
"Das iss noch gahrnich raus. Unn aussrdähm will ich ooch gahr geene hamm. Ich bin iwwrhaubd nich fr Ginndrjn. Da gehd bloß die Ehe in die Brijje. Awwr wenn - dann Seehne. Mei Oddoh meend ooch, mr gennde das so dirijiern, dasses Seehne währn, wemmrsch hallwähjs fijjelannd andrehd. Mir sinn grahde driewr. Oddoh sollr heessn - wie sei Fahdr."
"Na, hoffndlich glabbds."
"Shadd schonn geglabbd!"
bearbeitet von sachsenmietze am 28.07.2008 14:05:09
" Wemmr ä Baar Laadschn hadd,
unn der eene is weck,
unn mr hadd bloß den andrn ...
da nudzn een alle beede nischd.
."Liebe dich selber, dann können dich die Anderen gern haben!
|
|
Suchen 
Kalender 
Galerie
Auktionen 
Top
Mitglieder 
Stats
Chat (0) new 
User-Map
Passwort zusenden 
Registrieren
