Gruppe: Administrator
Rang: Lebende Forumslegende
Beiträge: 8321
Mitglied seit: 13.05.2008
IP-Adresse: gespeichert
|
S‘ Baradies off Sächsisch
Wär dud uns denn ‚s ganze Lähm versaun‘?
Gleich wärd irschs härn, das sinn nur de Fraun!
Ich will eich nun mal erzähln, wie vor viel’n, viel’n Jahrn
Zwee Menschen so glicklich im Baradiese warn.
Das wär ooch heute noch alles beim alten
Hätt’n se sich nur an de Vorschriften gehalten.
Adam un Eva hießen die beeden Leite,
die ich jetzt noch um das herrliche Lähm beneide.
Sommer un Winter war da scheenes Wetter,
se läbten ehm dort einfach wie de Getter.
Den ganzen Dag liefen se nacksch herum,
Adam hatte nich emal en Schlips und en Krachen um.
Von frieh bis amds sah mer die off dor Wiese lieschen
Un Besuch daden die üwwerhaupt nie nich kriechen.
Un Ginnder hattn se ooch gar keene,
se warn ähm immer beede alleene.
Wertschaftsgechenstände brauchten die nisch viele,
es enzsche war ne alte Gaffeemiehle.
Un wenn de Eva mal große Wäsche hatte,
da wischte die bloß Schdob off ihrm Feichenblatte.
Die hattn nich de geringsten Sorchen,
die scheensten Frichte aßen die schon am Morchen.
Nur an den een Boom schtand groß dran zu läsen:
„Wer Äbbeln frißt, ist hier am längsten gewäsen!“
Grade von d e n Deligadessen
Wollte Eva ähm ooch mal was essen.
Adam awer meente in en ganz braschen Done:
„Wenn de Abbedied hast, hol dor dort ne Zitrone!“
Denn Adam war e gerechter Mann,
„Un wenn mor Unannämlichkeeten ham, bist Du bloß Schuld dran!“
Er wollte üwwerhaupt davon nischt wissen,
awer Eva sachte „Bitte, bitte“ und daden zweemal kissen.
„Das ganze Zeich habsch nu mal satt,
hier halte mal mei Feichenblatt!“
Un eens, zwee, drei, mer sollts nisch gloom,
da saß de Eva schon offn Boom.
„Die Sachen schmecken nämlich fein,
gomm, beiß Du nur ooch ehmal da rein!“
Adam guckte sich immer ganz ängstlich um
Un de Eva gnaubelte schon an den Griebsen rum.
S dauerte ooch gar nisch lange,
da kam off eemal von hinten eene Schlange.
„Dud eich ja gleich von dor Stelle machen!“,
dad die im scheensten Hochdeitsch sachen.
„Sowas is üwwerhaupt noch nisch dagewäsen,
habt ihr denn das Schild an dem Boom nich geläsen?
Macht eich bloß raus, ihr mausche Bande,
solche Bucht leiden wir nisch in unserm Lande.“
„Eich beeden wär ichs schon beweisen,
mit meim Giftzahn du ich eich in de Arschbacken beißen!“
Die zwee sausen wie besessen,
in dor Uffräschung hattn se de Gaffeemiehle vergessen.
Eva gnallte dann ganz wiedent de Gartendiere zu:
„So, nu ham mer vor dem elenden Vieche wenichstens Ruh!“
Der Adam wurde nu tischtsch gemeene un grobb
Un schpuckte dor Schlange noch tischtsch off ihrn Gobb.
Dann rubbte er ne Latte vom Gartenzaun
Un dat ihr damit offn Nischl rumhaun.
Dann brillte er, `s war bald nisch mer scheene:
„Freßt eier vegedarisches Zeich nur alleene!“
Eva meente: „Här widder off zu schimpfen un zu fluchen,
mer wärn hernach meine Dande besuchen.
Un heite Amd, sei mer nur nisch beese,
da essen mer Schweinsgnochen un Thüringer Gleese.“
" Wemmr ä Baar Laadschn hadd,
unn der eene is weck,
unn mr hadd bloß den andrn ...
da nudzn een alle beede nischd.
."Liebe dich selber, dann können dich die Anderen gern haben!
|
|
Suchen 
Kalender 
Galerie
Auktionen 
Top
Mitglieder 
Stats
Chat (0) new 
User-Map
Passwort zusenden 
Registrieren
