Gruppe: Administrator
Rang: Supersachse/sächsin
Beiträge: 12313
Mitglied seit: 12.05.2008
IP-Adresse: gespeichert
|
Herr Bämmchen, vor der Haustür stehend, zu seinem Pintscher: »Nu gomm, mei kudes Hundchn, jädds wolln mr alle beede wied nuff beis Frauchn gehen, nich wahr? – Hasdes geheerd, mei Schnuggchn? De mußd doch hibbsch ardj sin und scheene foljn wenn dei Härrichn feifd.- War Fibbsel was issn das nur heide mid dir? De bisd doch sonsd immr so ä braves Dierchn! Nu mache, gomm! S’ Härrichn grijd galde Beene hier hausn. – Jädds machd’ch war wärglich wissen, was in dich gleenes Biesd gefahren is! Sowas gränzd doch an Subordinazion! Nu, das verschdehsde nadierlich nich in dein Hundsgehärne.War jedenfalls gommsde jädds ändlich ruff! Looos! – Nu, wo sausde denänn nu wiedr hin, dummes Ludr? H i e r wohn mr doch! – Jädds wär’ch war eeglich, du Glabbsr! Dänksde villeichd ich willmr hier s’ Reißn holn wäjn dir Borschdenbiesd? So ä niederdrächdjes Insdr wie dich gibbs doch in gans Gonnewidds nich zum zweedn Male!« (Haut ihm eins über.) »Siehsde du Schandnubbl, warum gehds dänne jädds? Beinahe hädde sich dei armes Härrichn uffgeräjd wäjn dir Sauijl!«
von Lene Voigt
Mir Sachsen, mir sinn helle, das weeß de ganze Weld, un sinn mer maa nich helle, da hammer uns ferschdelld!
.JPG) .jpg) |
|
Suchen 
Kalender 
Galerie
Auktionen 
Top
Mitglieder 
Stats
Chat (0) new 
User-Map
Passwort zusenden 
Registrieren
